مشاهدة النسخة كاملة : 4 مواليد ...انا في مأزق ...


خيماوي_69
09-01-2011, 03:45 PM
السلام عليكم ورحمة الله وبركاتة اسف للإنقطاع كنت خارج الدوله يا جماعه اليوم عندي مشكله وماعرف كيف احلها عندي عنز ولدة وجابت 4 .........3 صخال وتيس بس المشكله تصير وقت الرضاعه الكل يضارب على الضرع عشان يحصل له رضعه والام مشكلتها نحيسة وماتعطي الصغاريه ويه وايد وعصبية جدا ولكن تحبهم وتباهم لكن وقت الرضاعه يضايقون فيها فالواضح الحين الحين انهم ما يشربون عدل واذا شربوا 2 تمو ال 2 الباقي يواعه مادري شو الحل وياهم اتمنى انكم مريتو بهذي المواضيع واكيد ما راح تبخلون على بالنصيحه مع حبي

عيسى المميز
09-01-2011, 04:34 PM
اخوي خيماوي
كل عام وانت بخير
والله يبارك لك فيما اعطاك
عليك بالنيدو او الرضاعة الاصطناعية
وانت ما شاء الله عليك حلالك غني عن التعريف
واكيد عندك من حلالك عنز حليبها زايد وهذا موجود في الحلال الباكستاني دائما
احلب منها وحطة في مرضاعة وشربة للصغار
وانشاء الله اهل الخبرة بيفيدونك اكثر
والله يحفظك ويوفقك

امير السلام
09-02-2011, 01:08 AM
السلام عليكم ورحمة اله
اخوي اذا حليبها وافي ما يحتاي نيدو ولا مراضع
اعزل عيالها عنها ولا تخليهم 24 ساعة تحتها
ودخلهم عليها بالدور يعي 2 وعقب 2 ثلاث او اربع مرات في اليوم يكفي
واذا حليبها ما يكفيهم ترا مثل ما قالك اخونا النيدو ولا عنز غيرها حليبها زايد

خيماوي_69
09-02-2011, 02:03 AM
عيسى المميز وامير السلام كل الشكر والتقدير لكم اخواني بالنسبه لباقي حلالي اغلبيتهم عشر ولا وحده فيها حليب و3 بس هم الى ولدو مؤخرا والمشكله كل عنز تحتها 3 يعني يادوب يكفون عيالهم واما بالنسبه للعنز صاحبه المشكله فحليبها وافر جدا جدا ولكنهم يضاربون والنتيجه محد يشرب في النهايه حرام عليكم لا تقولن لي احبسهم والله يغمضوني يصيحون يبون امهم :( لكن انا ريال قالي شي وانا قاعد افكر اذا ما كانت هالمعلومه بتنفع او لا ؟؟ وهي اني اشتري ام حليبها وااااايد تكون والده قريب وعيالها ميتين او مبيوعين واشربهم منها لكن سوالي هل بيكون في ضرر عليهم بحكم انه حليب مختلف عن امهم او عادي ؟؟ مع حبي

راعي الشارجه
09-02-2011, 05:13 AM
لا مافي مشكله اذا هجينهن حليب من ام ثانيه
انصحك اذا تبي المواليد يكونون بصحن جيده علمهم كلهم ع ارضاعه
و خطاك مصدر حليب لان المواليد عندك ماشالله بالثلاثه
وحتي لوصار عندهن اسهالات لا توقف الحليب عادي بيتعودون

المصعبي
09-02-2011, 08:03 AM
السلام عليكم ورحمة الله وبركاته

ماشاء الله عندك حلال طيب. عندي حل لك بيع من الطليان إلي عندك وخلي طليين فقط مع الأم. وأنا شراي الطليان إذا بتبيعهم.

خيماوي_69
09-02-2011, 11:03 PM
يسعد مساكم

اخواني اولا مشكورين على كل الردود الطيبة

لكن كثرة الرسائل الي وصلتني على الخاص خلتني في درجه من الاستغراب :confused:

الكل يسالني بتبيعها او لا ؟؟

والى يسال معلومات دقيقه عن اصلها وفصلها ؟؟

مع اني بصراحه انا ما اعرف اصلها
لكن مستعد احط صورتها واصحاب الخبره بيخبرونا

لكن الاغلبية كان يسال هي كم مولود جابت والكل مندهش انها يابت 4 مادري ليش

يا جماعه في شي غريب في الموضوع ؟؟ لان جد جد جد انا ما اعرف هل هذا شي طبيعي او فعلا هو شي مميز ونادر انه يحصل لان كم واحد بعد يقولي اعرضها في المنتدى فقط للعرض وبتكون مميزه بس انا ما اخذ كلامهم جد لان احس انهم يسولفون ويمزحون خصوصا اني جديد في هامجال وما اعرف اذا كان هالشي نادر او لا

لكن انا ابا اعرف شو المميز الى بهذي العنز ؟؟ او وين الى مخلنها مميز هل تقصدون انها ولدت 4 ؟؟

او انها ما تحب ترضع عيالها ؟؟

لان انا ما اعتقد بكون منفرد هذي الحاله لوحد لاني متخيل ان كل عضو بالمنتدي واصحاب الخبرة الكبيرة عنده اقل شي 10 عنزات يولدن 4

بس تعالو بخبركم شي ضرووووري على فكره العنز هذي اصلا جابة 5 لكنها عاسرة وانا لحقتها في الوقت بدل الضائع لدكتور غسان وهو الى ولدها و4 انقذ حياتهم بس الخامس كان فارق الحياه قبل خروجه من بدن امه لان تاخرت عليه
فكان المجموع 4 صخال وتيس

خيماوي_69
09-02-2011, 11:06 PM
يسعد مساكم اخواني اولا مشكورين على كل الردود الطيبة لكن كثرة الرسائل الي وصلتني على الخاص خلتني في درجه من الاستغراب :confused: الكل يسالني بتبيعها او لا ؟؟ والى يسال معلومات دقيقه عن اصلها وفصلها ؟؟ مع اني بصراحه انا ما اعرف اصلها لكن مستعد احط صورتها واصحاب الخبره بيخبرونا لكن الاغلبية كان يسال هي كم مولود جابت والكل مندهش انها يابت 4 مادري ليش يا جماعه في شي غريب في الموضوع ؟؟ لان جد جد جد انا ما اعرف هل هذا شي طبيعي او فعلا هو شي مميز ونادر انه يحصل لان كم واحد بعد يقولي اعرضها في المنتدى فقط للعرض وبتكون مميزه بس انا ما اخذ كلامهم جد لان احس انهم يسولفون ويمزحون خصوصا اني جديد في هامجال وما اعرف اذا كان هالشي نادر او لا لكن انا ابا اعرف شو المميز الى بهذي العنز ؟؟ او وين الى مخلنها مميز هل تقصدون انها ولدت 4 ؟؟ او انها ما تحب ترضع عيالها ؟؟ لان انا ما اعتقد بكون منفرد هذي الحاله لوحد لاني متخيل ان كل عضو بالمنتدي واصحاب الخبرة الكبيرة عنده اقل شي 10 عنزات يولدن 4 بس تعالو بخبركم شي ضرووووري على فكره العنز هذي اصلا جابة 5 لكنها عاسرة وانا لحقتها في الوقت بدل الضائع لدكتور غسان وهو الى ولدها و4 انقذ حياتهم بس الخامس كان فارق الحياه قبل خروجه من بدن امه لان تاخرت عليه فكان المجموع 4 صخال وتيس مع حبي

نحوول
09-03-2011, 01:35 PM
الله يهديك اخوي خيماوي تقول ان العنز يايبه 5 و تقول في شي غريب فـ الموضوع :confused:

تباها تيب لك 10 مثلا عشان تستغرب :p :D

انت شوف الي يتاومن و ايبن 2 كم يوصل سعرهم فـ المزاد

فـ ما بالك بـ 5

اكيد اخوي خيماوي شي غريب و يدل على سلالتها الطيبه و اهتمامك فـ حلالك

حاول تحافظ على سلالتها و اهتم فـ الصخلات الي من انتاجها و التيس بعد خله فحل للأنتاج مب تذبحه :p

لا تفرط فيها

والله يبارك لك فيها و فـ عيالها و تشوف خيرهم ان شاء الله

خيماوي_69
09-03-2011, 02:38 PM
يا بعد عمري يانحول

للأمانه انا الحين بس عرفت شو السالفه

بس الى محيرني معقوله انا بس عندي هالعنز ؟؟ اكيد اصحاب الخبره والى عندهم باع طويل اكيد بعد عندهم نفس هالسلاله

بس مادري ياخي نحول لان واااااااااااااااااااااااااااايد ناس بعد كتابتي للموضوع يبون شترونها او يشترون عيالها وانت الحين قلت لي لا تفرط فيها

والله مادري شو اسوي ؟؟ بس بسالك نحول ليش ما ابيع التيس ولدها ؟؟ شو علاقت الذكر ؟؟

انا الى العرف انه الصخال احتمال يطلعون نفس امهم بحكم عامل الوراثة

لكن التيس ليش اخليه هو ما بيحمل عشان يكون نفس امه ؟؟

ياريت اخوي توضح لي قصدك من هاي النقطه

تدري انا بعدني قاعد اتعلم شوي شوي وماعندي خبره كافيه

ومشكور ياخوي على وقتك الثمين

م.هاوي
09-03-2011, 03:46 PM
الله يبارك لك ياخوي
التيوس بيعهن , ( وأسترزقن منهن )
أما الصخلات ربيهن ( وإن شاءالله الله يرزقك منهن )
ولا تعرض صورها ولا صور عيالها بالمنتدى ( الناس ماتعطي خير )
والله يبارك لك فيهن

بو عواااشي
09-03-2011, 03:57 PM
الله يعطيك خيرها اخوي

اخوي الكريم

في حل وانا مجرب هذا احل

اترك الام خارج مع الغنم و اطعمها زين ويوم غايت اطعام السخول هد ع الام سخلين سخلين

يعني قسم الحليب عليهم اول الصباح دخل العنزا ع السخلين ويوم يشبعن طلع السخلين الي شربن ودخل الي بعدهن

ولو الحليب ماكفا حاول تعطيهن في التساوي او تستعين بي ام اخرا ترضعهن الى الشبع وحاول الي يرضع من ام اخرا اليوم

باجر خلا غيرا يرضع عجان الام ماتنكره او ماترفضه بعدين

والله يعينك ويرزقك

بس عندي سؤال اخوي شو نوع الام ؟

عبادي دبي
09-03-2011, 08:46 PM
الله يعطيك خيرها اخوي

اخوي الكريم

في حل وانا مجرب هذا احل

اترك الام خارج مع الغنم و اطعمها زين ويوم غايت اطعام السخول هد ع الام سخلين سخلين

يعني قسم الحليب عليهم اول الصباح دخل العنزا ع السخلين ويوم يشبعن طلع السخلين الي شربن ودخل الي بعدهن

ولو الحليب ماكفا حاول تعطيهن في التساوي او تستعين بي ام اخرا ترضعهن الى الشبع وحاول الي يرضع من ام اخرا اليوم

باجر خلا غيرا يرضع عجان الام ماتنكره او ماترفضه بعدين

والله يعينك ويرزقك

بس عندي سؤال اخوي شو نوع الام ؟

الله يبارك لك ياخوي
التيوس بيعهن , ( وأسترزقن منهن )
أما الصخلات ربيهن ( وإن شاءالله الله يرزقك منهن )
ولا تعرض صورها ولا صور عيالها بالمنتدى ( الناس ماتعطي خير )
والله يبارك لك فيهن

ماقصرو الشباااااب

كلامهم ما فيه قصوور وهم أصحاااب خبره

وإن شاء الله تشوووف خيرهم وتحمل تعرض الصور

راعي وما عندي عزبة
09-04-2011, 12:18 AM
يا الخيماوي عندك وعندنا خير بس ما نحب نرمس سبت العين بارك الله لك في حلالك ورزقك خيرها .

خيماوي_69
09-04-2011, 01:26 AM
يا جماعة ما اعتقد ان في احد يبي المضرة حق عمرة يعني انا ما كتبت هالشي فالمنتدي عشان يعطونها بعين واخسرها انا انا والله ما كتبت الا عشان انا فعلا مادري ان هذا شي غريب في عالم الحلال لان انا والله شهر 11 بكمل السنه الاولى في هذا المجال يعنى خبرتي محدوده جدا جدا وانشاء الله مرة ثانيه ما بخبر حد على فكرة بو عواشي يمكن انت اول واحد خبرتك عن العنزه هذي لما كنا في مزاد راك وتعرفت عليك هناك وخبرتك عنها وانت وقتها قلت لي ان هالشي مو وايد منتشر بس انا بصراحه ما توقعتك ترمس جد لان ادري انك ريال صاحب خبره وباع طويل في هالمجال فما اتجرا احد عمري معاكم وانا للأمانه لليوم ما اعرف شو نوعها ولا اصلها ولا فصله ابدا ابدا ابدا واذا بتيني العزبة تشوفها حياك الله باي وقت بس ارفع السماعه وقول انا في راك يزاكم الله خير اخواني كلكم على ردودكم الطيبه بس انا للحين زعلان وايد منك للأني للحين ما حصلت ام ثانيه :( بس الله كريم مع حبي

راعي وما عندي عزبة
09-04-2011, 06:56 AM
يا خوي عطها حلبة عشبة أو بذور بعد ما أتفورها في الماي وتشربها العنز عشان زيادة الحليب وفي نفس الوقت سير السوق وخذلك عنزة فيها حليب وأطعمها حلبة وجت وبتشوف الحليب الي يكفيك ويكفي الصغار

خيماوي_69
09-04-2011, 08:26 AM
راعي وما عندي عزبه
حبوب الام ولله الحمد من اكثر الامهات انتاجا للحليب

اللهم صلي على محمد

وتنتج الحليب في وقت قصير جدا

لكن المشكله يوم تزقرهم عشان يشربون يتعافدون الاربعه ويتضاربون تحتها وتمل الام من الوقفه وتروح وتلبسهم

انا بصراحه ما الومها مسكينه توقف ما يقارب 3 دقايق عشان يرضعون وهم كل وقتهم يضاربون وفي النهايه محد يشرب


عاد انا استغرب من قسوة قلوب بعض الاعضاء الى يعزلون الصغارية عن امهم مثل بو عواشي

يا قو قلبك يا بو عواشي شكلك قاسي :(

حرام يبون امهم كيف ابعدهم عن امهم والله قلبي ما يطاوعني

والاهم من هذا كله انا مو محتاج اعزلهم تدرون ليش ؟؟

لان انا ما اعاني من نقص في الحليب عشان احبسهم وااوفر حليب لاني مثل ما قلت لكم حليبها ممتاز
بس مشكلتها الضرابه

اف والله تعبت ادور ام ثانيه والله اني رحت

سوق دبي للمواشي

سوق الشارجة للمواشي

سوق راس الخيمة للمواشي

مووووووووول ماشي

بن جميع
09-04-2011, 09:47 AM
صدق خوفتو الريال على حلاله
حديقوله عين والثاني يقوله حسد
والي يقوله بيع
والي .....ولي ولي

العين حق
وكل شي بامر الله جايز
ياجماعه الي
تدخل قلبه بذكر الله ويهلل
ويكبر
اخوي
الله يباركلك بحلالك ويزيدك من نعيمه
والي طلب الصوره بس حب يتعرف على نوع الحلال
والسموحه لو غلط على حد

راعي الطف
09-04-2011, 10:15 AM
الخيماوي ربي يبارك لك في حلالك حاول تقسم حليب الام علي الأربعة وبعد ١٥ يوم معظم الحلال ينشف لان موسم الولاده شهر عشره
بلنسبه لعدد الأولاد فيه سلالات تعطي ٣و ٤ و٥ والمعروف منها التيدي الباكستاني
ممكن استخدام حليب طازج معلب او حليب بودر لسد النقص

خيماوي_69
09-04-2011, 01:55 PM
منو يتفق معاي بان الحليب الصناعي ما يعطيك الحجم الطبيعي الى المفرض توصل له العنز ؟؟؟


كلمه دايما نشوفها في عيادات الحوامل واقسام الولاده


الرضاعه الطبيعية هي الافضل اطلاقا ومالك غنا عنها

فانا عشان جيه مصمم اني ابي ام ثانيه


هل فعلا الحليب الصناعي ما يعطيك نتيجه ممتازة ؟؟ والعيال يطلعون وشبيين او اقزام نوعا ما ؟؟؟

ابي الناس الى جربت الحليب الصناعي كيف شافوا النتيجة

راعي وما عندي عزبة
09-04-2011, 03:57 PM
يوم اتقول حليبها يكفي وزيادة خلاص نظم عملية الرضاع زخ الأم وقرب لها أثنين من اليهال يشربون ويوم يكتفون أبعدهم وقرب الإثنين الباقيين وجي بتنحل المشكلة وموضوع العزل ضروري في الحر عشان ما يتجبن الحليب في بطون الصغارية ويتفنقشون وإذا منزعج من موضوع العزل خل الراعي يتولى الموضوع وأنت صد بويهك ولا تناظر

بو سالم النعيمي
09-05-2011, 12:34 AM
اخوي خيماوي الله يبارك لك في رزقك
و الحلال. إنتاجه مب واحد يمكن عندك اللي يابت و عند غيرك ما تيب شي هذا رزق الله
وشي من الحلال يوصل 6 مثل القبرصي من بنجابي و الحلال البكستاني اكثره امتاوم 2 5
اما الحليب الصناعي ما يكون مثل الطبيع لكن مايضر و لا ياثر لانه بتعوضهن بعد اسبوع او اثنينه بالشعير المدروش
وفي ناس يشربونهن حليب بقر شوف اعيوني
و الله يرزقك و يطرح فيهن البركه

المهندس
09-05-2011, 09:13 AM
الله يبارك لك في حلالك و يزيدك من فضله العظيم قول امين
انا راي انك تعزل اثنين من الصغار و تهد اثنين مع امهن و بعدين تبدل الشفت الصخال المعزولات مب شرط انك تعزلهن بعيد عن امهن لكن اعزلهن في شبك قريب من شبك الام
دام انهن صغار كل 3 او اربع ساعات تبدل الشفت يعني تعزل 2 و تهد 2 مع امهن و لابد تهتم بتغذيه الام و تعطيها حلبه و لو بمقدار فنجان حلبه تخلطه مع الشعير او السبوس
و فر للصخال المعزوله عن الام علف ناعم مثل الجت اليابس عشان يتعودن على الاكل باسرع وقت ممكن
بعد ما يكملن اسبوعين تقدر تهد 2 في الليل و 2 في النهار يعني مره كل 12 ساعه و طبعا خلال فتره العزل لااااازم توفر للصخال المعزولات علف تسمين و جت يابس بكميات مفتوحه يعني الاكل قدامهن 12 ساعه من اول ما تعزلهن لين تردهن على امهاتهن
في البدايه يمكن ما بياكلن واايد بس مع الوقت بيتعودن و بياكلن في 12 الساعه اللي هن معزولات عن امهن
اهتم في العنز و انتاجها و لا تفرط فيه الصخلات ان شا الله بيشابهن امهن و حتى التيس لا تفرط فيه لانه احتمال بناته يشابهن امه
و عندي تيس امه تيب على 3 و يوم هديته في الحلال 3 عنزات عندي في حياتهن ما يابن على 3 ولدن و يابن على 3
الله يوفقك

المنعش
09-05-2011, 02:02 PM
حيا الله اخونا الغالي خيماوي 69

اولا الله يبارك لك بالعنز و عيالها

ثانيا عن نفسي من خلال تجرية الحليب الصناعي
لا تقرب صوبة ابد
لانة يخلي المواليد يطلع و صم و حجم صغير و متلعوز
الا اذا كان من البيطرة

لكن عندي لك طريقتين
الاولى مجربنة
انك تعزل الام طول النهار
و ثرة كل الناس تعزل الامهات عن المواليد
و ذلك افضل للام من ناحية انها ترتاح و تتفرغ لنفسها
و تاكل و تشرب ع راحة بدون ما تحاتي عيالها
و بنفس الوقت تضمن توفير الحليب
لما يحين المسا تحلب العنز كامل
و تاخذ لك مرضعة و ترضع الموليد بقياس و بالعدل
و تتضمن انة الكل خذ نصيبه
و هدهم يسرحون و يمرحون مع امهم فترة المسا
و بالطريقة ضمنت اشباع المواليد

و الطريقة الثانية
ما جربتها لكن ياليت اهل الخبرة يفيدونك
تاخذ لك بقرة حلوب
و ترضعهم حليب فرش يكون احسن من الصناعي
و ما يحتاي تسير السوق و ادور بقر 0000000000
سوالف حبوب
و السموحة منك و ان شاء الله فدك بشي
اخوك الصغير المنعش

العديد
09-05-2011, 05:16 PM
السلام عليكم ورحمة اله
اخوي اذا حليبها وافي ما يحتاي نيدو ولا مراضع
اعزل عيالها عنها ولا تخليهم 24 ساعة تحتها
ودخلهم عليها بالدور يعي 2 وعقب 2 ثلاث او اربع مرات في اليوم يكفي
واذا حليبها ما يكفيهم ترا مثل ما قالك اخونا النيدو ولا عنز غيرها حليبها زايد



الله يبارك لك فيها و الاخ امير السلام عطاك الحل

عذاب المقادير
09-06-2011, 12:15 AM
الله يبارك لك بالعنز و عيالها

خيماوي_69
09-07-2011, 01:34 AM
كل الشكرالتقدير لكم اخواني
المهندس
المنعش
بو سالم النعيمي
العديد
وانا مقدر فعلا جهودكم ووقتك الثمين في الرد على استفساراتي

لفت انتباهي يا اخوان كلام كلام اخونا المنعش

كان يتكلم عن تجربة شخصيه مع الحليب الصناعي وهذا الى خلاني اصمم اني اخذ ام ثانيه

وجزاه الله خير اخونا راعي الشارجه وانا كتب موضوع خاص بخصوص زيارتي لمزرعه اخونا راعي الشارجه يوم الاثنين
وتم نقل الموضوع الى قسم منتديات الترحيب والتعارف

يعني مادري اخواني الباقي الى كانو ينصحوني بالحليب الصناعي هل كان النتيجه فعلا نفس ما يقول اخونا المنعش ؟؟

او الموضوع كان مختلف عندكم ؟؟

نحوول
09-07-2011, 03:33 AM
كلام اخوي المنعش صحيح

والله ياخوي خيماوي عندي ياعده يابت توم رخله و طلي ,,

عافت الطلي و ما بغته اما الرخله تمت ترضع منها عادي

و الطلي نعطيه حليب نيدو ولا المراعي

الحين كملوا سبع شهور تقريبا .. لو تشوف الفرق من بينهم تقول مستحيل هذيل من نفس البطن

الطلي حجمه صغير و مبهدل .. اما الرخله ما شاء الله عليها فيها حجم

شوف لك شي من حلالك الي فيه حليب .. او ان عيالهم فطموا و هم فيهم حليب ,, ولا بعدهم يرضعون لكن حليبهم زايد

و الحليب الصناعي حطه كـ آخر خيآر تلجأ له

خيماوي_69
09-07-2011, 11:30 PM
هذا الى خلاني اصمم اخذ ام ثانيه

والحمد لله بتوفيق من رب العالمين

جاني راعى الشارجه قدم لى الحل

على طبق من ذهب

وبيني وبينك المراضع بهدله كل حين روح وسو مراضع

وخلص الحليب وروح الجمعيه واشتري

ولازم تحر الماي

والقهر في النهايه بعد هالعذاب النتيجه نفس ما قلت عليها اخوي نحول والحاله الى عندك

اما الام الحلوب ماشي غير تمسكها من اذنها ويتراكضون الصغار يرضعون ويعطونك الحجم الى انت تباه

كل التوفيق لكم اخواني ولجميع من شاركني بردوده ومقدر لكم جهدكم ووقتكم الثمين

وبدون استثناء

مع حبي

ابوسلومي
09-15-2011, 07:37 PM
منو يتفق معاي بان الحليب الصناعي ما يعطيك الحجم الطبيعي الى المفرض توصل له العنز ؟؟؟


كلمه دايما نشوفها في عيادات الحوامل واقسام الولاده


الرضاعه الطبيعية هي الافضل اطلاقا ومالك غنا عنها

فانا عشان جيه مصمم اني ابي ام ثانيه


هل فعلا الحليب الصناعي ما يعطيك نتيجه ممتازة ؟؟ والعيال يطلعون وشبيين او اقزام نوعا ما ؟؟؟

ابي الناس الى جربت الحليب الصناعي كيف شافوا النتيجة
كلامك صح اخوي انا عندي نفس المشكله الام عافت عيالها وعطيتهم نيدو والحين ما شاء الله كبرو بس الحجم صغير
واحب اقول لصاحب الموضوع
ما شاء الله على حلالك والله يزيدك

قلادة ذهب
09-20-2011, 05:51 AM
ما شاء الله ولاحول ولاقوة إلا بالله
الله يزيدك من خيره زوووووووود

بوووراشد دبي
09-22-2011, 01:34 PM
ماشاء الله لاحول ولاقوة الا بالله
الله يبارك لك فالحلال ان شاء الله
هذا النوع اعتقد من الانواع النادرة اللي موجودة في باكستان
العنزة ماتكون مثل العنزة الباكستانية الطويلة المعروفة عندنا,
بالعكس تتميز بقصر القامة, ما اعرف اذا هاي هي العنزة اللي موجودة عندك او لا, وتتميز بانها اتيب 4 او 5 مواليد دفعة وحده
وقليلة جداً عندنا فالامارات، ويقولون نادرة, واستغرب ليش نادرة, مع انها اتيب 4 او 5, المفروض عددها يكون اكبر من الانواع الباقية, يمكن نادرة عندنا فالامارات فقط, محد يعرف

عالعموم الله يبارك لك في الحلال ويزيدهم ويحميهم من كل شر

المهم ابتعد عن الحليب الاصطناعي، لا نيدو ولا غيره, اذا بتطعمهم خلك عالطبيعي
صدقني من تجربة اقولك, اذا تمو يواعه احتمال 90% يتمون, بس بناء على تجربة اقولك اياها اذا عطيتهم نيدو بيجيسهم اسهال وبيموتون, بالعكس 90 % بيموتون

مثل ما قالو الجماعه افصلهم عن امهم عسب يخلونها تاكل وتسمن وينترس حليبها, لانه اذا خليتهم معاها بيتمون طول الوقت يرضعون منها وما بيعطونها فرصة تاكل وبتضعف وبتتعب, وكل ما الضرع يتجمع فيه شوية حليب يشربونه او يشربه واحد فيهم, فكلهم بيضعفون ويتعبون

خلهم عند امهم بالدور مرتين ثلاثة فاليوم

وبالنسبة للتيس ليش يبونه الجماعة انا بقول لك ليش... لانه الصفة هاي يورثها التيس حق بناته
وانا بنفسي مجرب هالشي عندي
كانت عندي عنزة اتاوم مع العلم ان الباقيات ما يتاومن, اللي اتاوم يابت تيس , كبر التيس وهديته فالحلال لين تعشرن منه , المهم عيالهن يوم كبرو صارو شرات يدتهم ام ابوهم يتاومن, نفس الشي للعنزة اللي اتيب تيوس اكثر شي, يعني دوم اتيب لك تيسين تقريباً من كل بطن، نادر اتيب لك الانثى, هاي الصفة بعد تتورث حق الاحفاد عن طريق الاب, والصراحه ما احب العنزة اللي اتيب تيوس, بالعكس احب اللي اتيب صخلات

والصراحه اذا بتبيع شي من الحلال خاصة الامهات لاتنساني تراني بشتري........لوووول