اجهزة او الواح الطاقة الشمسية

[راعيها]

يا اخوان عندي استفسار بخصوص اجهزة او الواح الطاقة الشمسية اقصد الأجهزة الي تعطي او توفر الكهرباء بألطاقة الشمسية استفساري عن اسعارة واماكن بيعة و وين ممكن تتوفر وإذا في حد من الأخوة جرب نفس النوعية يعطينا فكرة هل هي فعلاً مفيدة وفعاله مثل موتور او دينمو الكهرباء الذي يعمل بالديزل او البترول ارجو من الأخوة الأعضاء التفاعل ترى الراعي استوى لونه ازرق من الشمس وناوين ندلعة شوي ونركبلة مكيف صحراوي وكم ليت بعد عسب نقدر نشوف الحلال باليل وتحية للجميع .....

مرفق صور للتوضيح

[الذهلي]

السلام عليكم أخوي

بالنسبة لصفائح الطاقة الشمسية موجودة في السوق الصيني واسعار الصفيحة مثل حجم اللي في الصورة الأولى يمكن 2500 إلى 3000 درهم وتشغل كم ليت وتلفزيون بس حسب ما قالي صاحب المحل ، بس انت تقدر تروح وتستفسر أكثر هذا والله اعلم

تقبل تحياتي

[uae2]

كلام اخوي الذهلي سليم 300%

نفس الكلام وفي احجام بعد.....

نصيحه أهم شي الضمان لأن عن نفسي ماعندي ثقه في هالسوق بالكامل

وعن المحلات اللي برا

اذا لقيت تأكد بعد أن مش من السوق الصيني

وتأكد من شي اسمه ضمااااااااااااااااان والضامن الله

[net3040]

اهم شيئ إنه له ضمان على الاقل لو لو لو 3 شهور وبالتوفيق وإذا لقيت ضمان إنشر في المنتدى بارك الله فيك .

[شيمون]

انا جربت اعطاله واايد